ბათუმში კრის ბოტისა და სტინგის ერთობლივი კონცერტზე დასწრების მზარდი მოთხოვნის ფონზე ავიაკომპანია „აირზენამ" თბილისი -ბათუმის მიმართულებით დამატებითი ავაირეისების შესრულება დაიწყო.
როგორც „ჯი-ეიჩ-ენს" კომპანიის საზოგადოებასთან ურთიერთობის სამსახურის ხელმძღვანელმა ნინო გიორგობიანმა განუცხადა, „აირზენა" ბათუმის მიმართულბით რეგულარული რეისების გარდა უკევ დამატებით რეისებსაც ახორციელებს.
მისი თქმით, დამატებითი რეისი შესრულდა დღეს და შესრულდება, ხვალაც 09:49 საათზე.
რაც შეეხება ბათუმიდან თბილისში დაბრუნების მსურველებს მათთვის რეგულარული რეისის გარდა შესრულდება დამატებითი ავაირეისი ორსაბათს და სამშაბათს.
დამატებით ავიარეისებს კომპანია ბოინგის ტიპის თვითმფრინავით ასრულებს.
შეგახსენებთ, რომ ხვალ ბათუმში კრის ბოტისა და სტინგის ერთობლივი კონცერტი გაიმართება.
ორმხრივი მოლაპარაკების შედეგად კონცერტის ტრანსლაციის უფლება (1 საათი და 20 წუთი) ექნება რუსთავი 2-ს. კონცერტის მსვლელობისას უნდა გაითიშოს სატელიტი და ინტერნეტ კომუნიკაცია, რათა არ მოხდეს კონტრაქტით გათვალისწინებული პირობების დარღვევა და სიგნალის გასვლა საქართველოს ფარგლებს გარეთ.
გადაღების საშუალება მიეცემა ოთხი არხის გადამღებ ჯგუფს და მხოლოდ პირველი 3 წუთის განმავლობაში. კონცერტს დაესწრება ერთი ფოტოგრაფი, რომელმაც ფოტომასალა უნდა გაავრცელოს ყველა საინფორმაციო საშუალებისთვის.
სავარაუდოდ ინტერვიუსთვის გამოყოფილი დრო კრის ბოტისთან იქნება 15 წუთი, ხოლო სტინგთან 5-7 წუთი. ოთხივე გადამღები ჯგუფი და ერთი ფოტოგრაფი ინტერვიუზე დაიშვება რეპეტიციის დასრულების შემდეგ.
კონცერტიდან შემოსული თანხა გადაირიცხება ეროვნულ სკრინინგ ცენტრში.
შემსრულებლები: Lisa Fischer- ვოკალი; Billy Childs- ფორტეპიანო; Andrew Ezrin- კლავიში; Mark Whitfield- გიტარა; Carlos Puerto- ბასი; Billy Kilson- დასარტყამი ინსტრუმენტები; Caroline Campbell- ვიოლინო. მოწვეული მუსიკოსები: Dominic Miller- გიტარა; Jo Lawry - backup ვოკალი; Abdel Rhani Krija - პერკუსია
