რუსეთის ხელისუფლება ცდილობს დარწმუნოს თავისი ქვეყნის მოსახლება, რომ საქართველო არის ნანგრევების გროვა წარუმატებელი ხელისუფლებით.
ამის შესახებ დღეს, ჟურნალისტებს პარლამენტის თავმჯდომარე დავით ბაქრაძემ, ევროსაბჭოს მიერ საქართველოს საკითხზე მიღებული რეზოლუციის შეფასებისას განუცხადა.
"რუსეთის მხრიდან რეგულარულ პოლიტიკად ჩამოყალიბდა, რომ დააბრკოლოს ყველა იმ დოკუმენტის მიღება, სადაც საუბარია საქართველოში არსებულ პროგრესსა და წარმატებულ რეფორმებზე. ჩვენი რუსი კოლეგები, ერთის მხრივ, ცდილობენ დაარწმუნონ საკუთარი საზოგადოება, რომ საქართველო არის წარუმატებლი ქვეყანა და ნანგრევების გროვა წარუმატებელი ხელისუფლებით, მაგრამ მორეს მხრივ, აკეთებენ ჩვენი ძალიან ბევრი წარმატებული რეფორმის კოპირებას, რომელზედაც საუბარია ევროსაბჭოსა და სხვა საერთაშორისო ორგანიზაციების მიერ მიღებულ დოკუმენტებშიც", - განაცხადა ბაქრაძე.
მისივე შეფასებით, რუსეთის ხელისუფლება კომიკურ სიტუაციაშია, რადგანმ ერთის მხრივ, ამტკიცებს, რომ საქართველოში არანაირი პროგრესი არ შეიმჩნევა, მეორეს მხრივ კი, ქართული რეფორმების კოპირებას განაგრძობს.
"რუსეთისგან განსხვავებით, ჩვენი დასავლელი პარტნიორები კარგად ხედავენ როგორც არსებულ პრობლემებს, ასევე იმ დიდ პროგრესს, რომელსაც ქვეყანამ მიაღწია", - აღნიშნა ბაქრაძემ.
