პირს, რომლის მიერ ერთჯერადი ოპერაციის ან ეკონომიკური საქმიანობის ფარგლებში ერთ დღეში დღგ-ით დასაბეგრი ოპერაციის თანხა აღემატება 100 000 ლარს საგადასახადო ორგანოს მიმართვისთვის ორდღიანი ვადა ეძლევა.
აღნიშნულთან დაკავშირებით "საგადასახადო კოდექსში" ცვლილება პარლამენტმა უკვე დაამტკიცა.
დღემდე არსებული ნორმის თანახმად, პირი ვალდებული იყო ეკონომიკური საქმიანობის ფარგლებში დასაბეგრი ოპერაციის განხორციელებამდე მიემართა საგადასახადო ორგანოსთვის დღგ-ის გადამხდელად რეგისტრაციისათვის, თუ მოსალოდნელი ერთჯერადი ოპერაციის შედეგად ან ერთ დღეში დღგ-ით დასაბეგრი ოპერაციის თანხა 100 000 ლარზე მეტი იქნებოდა.
მიღებული გადაწყვეტილებით კი, თუ ეკონომიკური საქმიანობის ფარგლებში მოსალოდნელი ერთჯერადი ოპერაციის შედეგად ან ეკონომიკური საქმიანობის ფარგლებში ერთ დღეში დღგ-ით დასაბეგრი ოპერაციის თანხა აღემატება 100 000 ლარს, პირი ვალდებულია დღგ-ის გადამხდელად რეგისტრაციისთვის მიმართოს საგადასახადო ორგანოს დასაბეგრი ოპერაციის საერთო თანხის 100 000 ლარზე გადაჭარბებიდან არაუგვიანეს 2 სამუშაო დღისა;
დღგ-ის გადამხდელად ითვლება იმ ერთჯერად ან ერთ დღეში განხორციელებული დასაბეგრი ოპერაციის განხორციელების მომენტიდან (ამ ოპერაციის ჩათვლით), რომლის მიხედვითაც დასაბეგრი ოპერაციის თანხა გადაჭარბებს 100 000.