ევროზონის წევრ სახელმწიფოებს შესაძლოა დასჭირთ სავალუტო კავშირიდან გასვლის მექანიზმების შექმნა, რათა თავიდან აიცილონ გაერთიანების სრული კრახი, მიიჩნევს ცნობილი მილიარდელი ჯორჯ სოროსი.
„არანაირად არ არის მომზადებული ევროზონიდან გასვლის საკითხი, რაც ამჟამინდელ პირობებში შესაძლოა გარდაუვალი გახდეს. ჩვენ ეკონომიკური კოლაფსის ზღვარზე ვართ, რომელიც ვთქვათ იწყება საბერძნეთში, მაგრამ შესაძლოა ძალიან ადვილად გავრცელდეს. ფინანსურიო სისტემა ჯერაც საკმაოდ მგრძნობიარეა"- აცხადებს სოროსი.
იგი მიიჩნევს, რომ ევროპის ფინანსური კრიზისი ძირითადად კონცენტრირებულია ევროს ირგვლივ. „ეს ფინანასური კრიზისი ახლად ჩამოყალიბების სტადიაშია. ამის განჭვრეტა ადვილის და უმრავლესობას ესმის ეს. ის ვითარდება ხელისუფლებები ამჟამად დაკავებულნი არიან იმით რომ მოიგონ დრო. თუმც დროი მათ წინააღმდეგ თამაშობს"- აცხადებს სოროსი.
მისივე თქმით ევროზონის გადარჩენა „ყველა ჩვენთაგანის ინტერესშია" და ამიტომაც არსებობს აუცილებლობა რათა შეიქმნას ერთიანი დაბეგვის სისტემა. ასევე საბანკო სისტემა ევროპული ინსტიტუტების გარანტიებით და არა პირიქით- ნაციონალური ბანკების სისტემა.
„ხელისუფლებებს სურთ სტატუსკვოს შენარჩუნება და არ აღიარებენ ფუნდამენტალურ პრობლემებს, რომელიც უნდა აღმოიფხვრას"- აცხადებს მილიარდელი.
შეგახსენებთ, რომ ევრპოზონაში განსაკუთრებული პრობლემის წინაშე დგას საბერძნეთი , ადრე ევროზონის სახელმწიფოებმა დახმარებები ირლანდიასა და პორტუგალიას აღმოუჩინეს.
