ლეიბორისტული პარტია საქართველოს ხელისუფლებას კოსოვოს დამოუკიდებლობის გაუქმების შესახებ სერბეთის სარჩელის შეერთებისკენ კიდევ ერთხელ მოუწოდებს.
როგორც დღეს გამართულ პრესკონფრენციაზე პარტიის საერთაშორისო მდივანმა ნესტან კირთაძემ განაცხადა, აღნიშნულ სასარჩელო მოთხოვნასთან საქართველოს ოფიციალურ შეერთებას ჩვენი ქვეყნის მთლიანობის აღდგენისთვის გადამწვეტი მნიშვნელობა აქვს.
"ჰააგის საერთაშორისო სასამართლოში მიმდინარე უპრეცენდენტო პროცესი აჩენს იმედს და რეალურ ჩანს, რომ კოსოვოს დამოუკიდებლობის საერთაშორისო ცნობის არალეგიტუმურობის დამტკიცების შემთხვევაში, რუსეთი იძულებული გახდება გადახედოს და უკან წაიღოს აფხაზეთისა და ე.წ. სამხრეთ ოსეთის აღიარების შესახებ გადაწყვეტილება", - განაცხადა კირთაძემ.
მისივე განმარტებით, თუ საქართველოს ხელისუფლება სერბეთს თანამოსარჩლედ არ შეურთდება, ადრე თუ გვიან, ქართული საზოგადოება პრეზიდენტ სააკაშვილს ქვეყნის მიზანმიმართულად დაშლა-დანაწევრებაში დასდებს ბრალს.
