შირაქში მინდვრის თაგვის მკვეთრად გამრავლებასთან დაკავშირებით, მცენარეთა დაცვის დედოფლისწყაროს რაიონულმა სამსახურმა ფერმერების საყურადღებოდ სპეციალური განცხადება გაავრცელა.
`ნაკვეთების დათვალიერების შედეგად აღმოჩნდა, რომ შირაქის ველებზე მასობრივად არის გამრავლებული მინდვრის თაგვი. მავნებლის წინააღმდეგ გამოიყენება `თუთიის ფოსფიდზე~ დამზადებული შხამ მისატყუარი მასალა~, - განუცხადა კახეთის საინფორმაციო ცენტრს მცენარეთა დაცვის დედოფლისწყაროს რაიონული სამსახურის უფროსმა მერაბ ალადაშვილმა.
უნდა აღინიშნოს, რომ შირაქში პურის ბზუალაც გავრცელდა. დაავადება ხორბლის ნათესებს საფრთხეს უქმნის.
