ევროპარლამენტის მხრიდან საქართველოს ოკუპირებული რეგიონების არაღიარების პოლიტიკა სამომავლოდ ქვეყნის მშვიდობიანი გამთლიანებას შეუწყობს ხელს. ამის შესახებ დღეს, საქართველოს პარლამენტის თავმჯდომარემ დავით ბაქრაძემ ევროპის პარლამენტის პრეზიდენტ, იერჟი ბუზეკთან შეხვედრის დასრულების შემდეგ გამართულ ერთობლივ ბრიფინგზე განაცხადა.
"მადლობა იმ პოზიციისთვის, რომელიც ევროპარლამენტს უკავია საქართველოს ტერიტორიულ მთლიანობასთან დაკავშირებით. ასევე მადლობა მინდა გადავუხადო ბატონ ბუზეკს ოკუპირებული ტერიტორიების არაღიარების პოლიტიკის მკაფიო მხარდაჭერისთვის, რომელსაც ევროპარლამენტი ატარებს. ეს არის ძალიან მნიშვნელოვანია სამომავლოდ ჩვენი ქვეყნის მშვიდობიანი გამთლიანებისთვის", - აღნიშნა ბაქრაძემ.
მისივე შეფასებით, ევროპარლამენტის პრეზიდენტის ვიზიტი მნიშვნელოვანი პოლიტიკური სიგნალი საქართველოსთვის.
"ეს არის პოლიტიკური სიგნალი, რომ გრძელდება ჩვენი თანამშრომლობა ევროპარლამენტთან და ეს თანამშრომლობა არის ინტენსიური. იმედი მაქვს, მომავალში ეს თანამშრომლობა იქნება შედეგზე კიდევ უფრო მეტად ორიენტირებული ვიდრე დღეს არის", - აღნიშნა დავით ბაქრაძემ.
ამასთან, პარლამენტის თავმჯდომარის თქმით, ბუზეკთან შეხვედრაზე საუბარი შეეხო, როგორც საქართველო-ევროკავშირის ურთიერთობებს, ასევე ქვეყნის შიგნით მიმდინარე პროცესებს.
