ამერიკის შეერთებული შტატები ცხინვალის ადმინისტრაციულ სასაზღვრო ზოლზე მომხდარი ძალადობრივი ინციდენტის გამო შეშფოთებას გამოთქვამს. ამის შესახებ ნათქვამია საქართველოში აშშ-ის საელჩოს მიერ გავრცელებულ განცხადებაში.
საელჩო მოვუწოდებს ყველა მხარეს, გამოიჩინოს თავშეკავებულობა, დაუყონებლივ გაუზიაროს ევროკავშირის სადამკვირებლო მისიის წარმომადგენლებს ხელთარსებული ყველა დეტალი და მონაწილეობა მიიღოს ინციდენტების პრევენციისა და რეაგირების მექანიზმის ჯგუფის საგანგებო შეხვედრაში.
"ეს შემთხვევა კიდევ ერთხელ უსვამს ხაზს ადმინისტრაციული საზღვრის ორივე მხარეს ევროკავშირის სადამკვირებლო მისიის შეღწევის გადაუდებელ აუცილებლობას", - ნათქვამია განცხადებაში.
შეგახსენებთ, რომ რუსმა ოკუპანტებმა საქართველოს მოქალაქეებს ცეცხლი საჩხერის რაიონის სოფელ ჭალვანში გაუხსნეს, რის შედეგადაც ორი ახალგაზრდა მამაკაცი დაიჭრა.