„ქართული პარტიის" თავმჯდომარის, სოზარ სუბარის განცხადებით, ხელისუფლების მთავარი სამიზნე სწორედ მათი პოლიტიკური ძალაა.
როგორც სუბარმა დღეს გამართულ პრესკონფერენციაზე განაცხადა, ხელისუფლებას „ქართული პარტიის" შიში აქვს, რასაც პარტიის ცალკეული წევრებისა და აქტივისტების წინააღმდეგ დაწყებული დევნაც ადასტურებს.
„ქართულ პარტიას" გააჩნია დადასტურებული ინფორმაცია იმის შესახებ, თუ რა უკანონო მეთოდებით აპირებს ხელისუფლება მათ წინააღმდეგ ბრძოლას", - განაცხადა სუბარმა პრესკონფერენციაზე, რომელსაც პარტიის თანათავმჯდომარე ლევან გაჩეჩილაძე და პოლიტსაბჭოს წევრი კახა მიქაია ესწრებოდნენ.