ევროკომისიის საგარეო ურთიერთობათა დეპარტამენტის აღმოსავლეთ ევროპის, რუსეთისა და კავკასიის დირექტორატის ხელმძღვანელ გუნარ ვიგანთან და დელეგაციის სხვა წევრებთან მოლაპარაკება გიორგი თარგამაძემ, გიორგი ახვლედიანმა, ნიკა ლალიაშვილმა და გიორგი რუხაძემ გამართეს.
საუბრის მთავარი თემები საქართველოს კონფლიქტის ზონებში ევრო-მინიტორების როლი, საჩხერის რაიონში დღეს მომხდარი ინციდენტი და ქვეყნის შიდა პოლიტიკური პროცესები იყო.
„ევროკავშირის დამკვირვებელთა როლი საქართველოს უსაფრთხოებისა და სტაბილურობისთვის განუზომლად დიდია. ჩვენ კიდევ ერთხელ დავაფიქსირეთ პოზიცია, რომ აუცილებლად მიგვაჩნია მისიის მანდატის და მონიტორინგის ტერიტორიის გაფართოება. ეს აუცილებლობა კიდევ უფრო აქტუალურია დღევანდელი სამწუხარო ინციდენტის ფონზე. ევროკავშირის როლი არანაკლებ მნიშვნელოვანია შიდა პოლიტიკურ პროცესებში და პირველ რიგში, მოლაპარაკების პროცესში, რომელსაც საარჩევნო გარემოს გაუმჯობესების მიზნით, ხელისუფლებასთან ოპოზიციური რვიანი აწარმოებს" - განაცხადა გიორგი თარგამაძემ.