"ქართული დასის" ლიდერმა, ოპოზიციონერმა დეპუტატმა ჯონდი ბაღათურიამ ჟურნალისტების ზეწოლის ფაქტებზე დროებითი საპარლამენტო კომისიის შექმნა მოითხოვა. ამის შესახებ ბაღათურიამ დღეს, პარლამენტის პლენარულ სხდომაზე განაცხადა.
"2007 წლის 7 ნოემბერს ტელეკომპანია "იმედის" დარბევის, მედიაზე ზეწოლის და სხვადასხვა მედიასაშუალებების ჟურნალისტების ფიზიკური შეურაცხყოფის შესწავლის მიზნით გთხოვთ დღევანდელ პარლამენტის სხდომაზე დააყენოთ დროებითი საგამოძიებო კომისიის შექმნის საკითხი", - მიმართა ბაქრაძეს ბაღათურიამ.
"სანამ ერთ-ერთი დიდი უსამართლობა არ გასწოდება, ვერასდროს ვერ დავამყარებთ წესრიგს ქვეყანაში", - აღნიშნა დეპუტატმა.
პარლამენტის თავმჯდომარემ, ოპოზიციონერ დეპუტატს კომისიის შექმნასთან დაკავშირებული პროცედურები შეახსენა და აღნიშნა, რომ "კომისიების შექმნა მიკროფონიდან გაკეთებული განცხადებებით არ ხდება".
ამასთან, ბაქრაძემ ბაღათურიას ურჩია რეგლამენტის დაცვით შესაბამის განცხადება შეიტანოს, რის შემდეგაც შესაძლებელი გახდება საკითხს მსვლელობა მიეცეს.