საპარლამენტო უმრავლესობის წევრს, ადამიანის უფლებათა დაცვისა და ინტეგრაციის კომიტეტის თავმჯდომარეს ლაშა თორდიას "ქრისტიან-დემოკრატების" მიერ "თავის მოგიჟიანება" უკვირს.
"ყოველ ორშაბათს ბიუროს სხდომაზე ვამბობთ როდის იქნება სახალხო დამცველის ანგარიშის განხილვა და რატომ გადაიდო. მიუხედავად ამისა, მაინც ვიგიჟიანებთ თავს, უნდა გადავდოთ და შეთქმულების თეორიებს ვხატავთ. ბატონო ლევან და გიორგი, არავინ აპირებს კიდევ გადადებას და ანგარიშის არ განხილვას", - მიმართა თორიდიამ "ქრისტიან-დემოკრატებს".
ამასთან, თორდიას თქმით, თუ კიდევ გააგრძელებენ "თავის მოგიჟიანებას" ასეთ შემთხვევაში კომენტარის გაკეთებას აზრი აღარ ექნება.
"რაც უფრო მეტად ავხსნით უფრო მეტად არიან თავდასხმაზე გადმოსულები ჩვენი კოლეგები", - აღნიშნა უმრავლესობის წევრმა.
თორდიას "ქრისტიან-დემოკრატი" მაგადა ანიკაშვილი გამოეხმაურა.
"ჩვენთვის მნიშვნელოვანია მოვისმინოთ ეს ანგარიში, რადგან კონკრეტული გადაწყვეტილებები უნდა მოყვეს ამას", - დასძინა ოპოზიციონერმა დეპუტატმა.
