საქართველოს 12-14 მაისს, საგარეო საქმეთა მინისტრ კარლ შვანცერბერგის ხელმძღვანელობით ჩეხეთის დელეგაცია ეწვევა.
როგორც საქართველოს საგარეო საქმეთა მინისტრის მოადგილე ნინო კალანდაძემ დღეს გამართულ ტრადიციულ პრესკონფერენციაზე განაცხადა, დელეგაციაში შემადგენლობაში ჩეხეთის ინდუსტიისა და ვაჭრობის მინისტრი და ქვეყნის ბიზნესსექტორის წარმომადგენლებიც იქნებიან წარმოდგენილნი.
ვიზიტის ფარგლებში, 13 მაისს ქართულ-ჩეხური ბიზნესფორუმი გაიმართება.
"ჩეხეთის საგარეო საქმეთა მინისტრი საქართველოს გულშემატკივარი და კარგი მეგობარია. ვიზიტის ფარგლებში ორმხრივი პოლიტიკური საკითხების გარდა, აქცენტრი გაკეთდება ეკონომიკურ თანამშრომლობაზე და იმედია, შევძლებთ ჩეხ ბიზნესმენებს ჩვენი ქვეყანა დადებითი კუთხით დავანახოთ", - აღნიშნა კალანდაძემ.
