დღეს, 2 მაისს, 14.00 საათზე სპორტისა და ახალგაზრდულ საქმეთა სამინისტროში „სტუდენტური უნივერსიადის" პროგრამის პრეზენტაცია გაიმართება.
დაგეგმილი ღონისძებების შესახებ, რომელიც „საუნივერსიტეტო რომპეტროლიადა 2010-2011"-ის ფარგლებში უნდა გაიმართოს, სპორტისა და ახალგაზრდულ საქმეთა მინისტრი ვლადიმერ ვარძელაშვილი, „რომპეტროლ საქართველოს" გენერალური დირექტორი ალექსანდრე ალბინი და საუნივერსიტეტო სპორტის ფედერაციის პრეზიდენტი ნიკოლოზ ამაშუკელი ისაუბრებენ.
პრეზენტაციას სხვადასხვა სპორტის სახეობათა ფედერაციების პრეზიდენტები, უმაღლესი სასწავლებლების რექტორები და თვითმმართველობის ხელმძღვანელებიც დაესწრებიან.
„საუნივერსიტეტო რომპეტროლიადა 2010-2011"-ის ფარგლებში, 20 სახეობის სპორტულ შეჯიბრში მონაწილეობის მისაღებად, უმაღლეს სასწავლებლებს განაცხადები წინასწარ დაეგზავნათ.
„უნივერსიადაში" მონაწილეობაზე შეტყობინება ორმოცამდე, მათ შორის, რუსთავის, გორის, თელავის, ქუთაისისა და ბათუმის უმაღლეს სასწავლებლებს უკვე დაეგზავნათ. წინასწარი მონაცემებით, მომდევნო ორი თვის განმავლობაში სპორტის 20 სახეობაში ძალებს ორიათასზე მეტი სტუდენტი მოსინჯავს,"-აცხადებს საუნივერსიტეტო ფედერაციის პრეზიდენტი ნიკოლოზ ამაშუკელი.
„რომპეტროლ საქართველოს" მენეჯმენტის განცხადებით, კომპანია განსაკუთრებულად გულშემატკივრობს ახალგაზრდული სპორტის განვითარებას, ვინაიდან ჯანმრთელი ცხოვრების წესის დამკვიდრება კომპანიის სოციალური პასუხისმგებლობის პლატფორმის ფარგლებში ერთ-ერთ პრიორიტეტს წარმოადგენს.
„რომპეტროლი" სპონსორობს საუნივერსიტეტო სპორტს ერთადერთი მოტივით წაახალისოს ახალგაზრდა სპორტსმენები და ჯანმრთელი ცხოვრების წესის დამკვიდრებაში დაეხმაროს. მოხარული ვართ, რომ შესაძლებლობა გვეძლევა მხარი დავუჭიროთ საუნიერსიტეტო სპორტში გაერთაინებულ ორმოცზე მეტი უმაღლესი სასწავლებლის გუნდებს,"-აცხადებს „რომპეტროლ საქართველოს" გენერალური დირექტორი ალექსანდრე ალბინი.
საუნივერსიტეტო სპორტის მხარდამჭერი, ორმხრივი თანამშრომლობის მემორანდუმი „რომპეტროლ საქართველოსა" და საუნივერსიტეტო სპორტის ფედერაციას შორის 9 ნოემბერს სპორტისა და ახალგაზრდულ საქმეთა სამინისტროში გაფორმდა. მემორანდუმის თანახმად, რომპეტროლი 2010-2011 წლების განმავლობაში დაგეგმილი ყველა საუნივერსიტეტო სპორტული აქტივობის მხარდამჭერი იქნება და ამ ხნის განმავლობაში ყველა შეჯიბრი „საუნივერსიტეტო რომპეტროლიადის" სახელს ატარებს
