პარლამენტი მიმდინარე კვირას "სახელმწიფო ვალის შესახებ" კანონში ცვლილებებს დაამტკიცებს. როგორც ბიუროს სხდომაზე პარლამენტის თავმჯდომარემ დავით ბაქრაძემ აღნიშნა, აღნიშნულ კანონპროექტის დაჩქარებული წესით განხილვის შესახებ გადაწყვეტილება უკვე მიღებულია, თუმცა ამ დრომდე მისი განხორციელება, სამთავრობო დებატების გამო, ვერ მოხერხდა.
ამის გათვალისწინებით, კანონპროექტი 5 აპრილს პელენარულ სხდომაზე პირველი მოსმენით გავა, ხოლო 8 აპრილს მეორე და მესამე მოსმენით.
კანონპროექტის თანახმად, ფინანსთა სამინისტრო მიმდინარე წელს ევრობონდების მეორე ემისიას გეგმავს, რომლის მოცულობაც 500 მილიონი დოლარი იქნება.
ცვლილება კანონის გარდამავალ დებულებას ეხება, რომელიც სახელმწიფო ვალის სრული მოცულობის გაზრდას კრძალვას, თუმცა გამონაკლის 2008 წლის აგვისტოში დაუშვეს, როდესაც ევრობონდები რუსეთის აგრესიის შემდეგ იქნა დახარჯული. ახალი ევრობონდები კი სწორედ 2008 წელს აპრილში გამოშვებული ევრობონდის რეფინანსირებას მოხმარდება.