უახლოეს პერიოდში "ენგურჰესსა" და შპს "ქურუმ სთიილ ჯორჯიას" შორის ელექტროენერგიის მიწოდების შესახებ ხელშეკრულება გაფორმდება. თურქულ-ქართულ კომპანიას 2013 წლამდე ფოთში, მეტალურგიული ქარხანის მშენებლობა აქვს დაგეგმილი, რისთვისაც ელექტროენერგია ესაჭიროება.
მთავრობამ "ენგურჰესსა" და შპს "ქურუმ სთიილ ჯორჯიას" შორის დასადები ელექტროენერგიის მიწოდების ხელშეკრულების პროექტი უკვე მოიწონა.
ხელშეკრულების თანახმად, "ენგურჰესი" ვალდებულებას იღებს ქარხნის კომერციული საქმიანობის დაწყების თარიღიდან, 10 წლის განმავლობაში (2013 წლიდან 2023 წლამდე) ყოველწლიურად 6 თვის განმავლობაში, 1-ლი აპრილიდან 30 სექტემბრამდე უზრუნველყოს "ქურუმ სთიილ ჯორჯია" ელექტროენერგიით, საერთო მოცულობით 300 მილიონი კვტ/სთ 80 მგვტ სიმძლავრით და მიერთების წერტილში მაქსიმუმ 3600 მეგავოლტამპერი მოკლე ჩართვის სიმძლავრით.