მაისიდან, ჩინეთსა და საქართველოს შორის ჩარტერული ავიარეისების შესრულება დაიწყება.
ეკონომიკისა და მდგრადი განვითარების სამინისტროს ინფორმაციით, ჩარტერული ავიარეისების განხორციელების საკითხი, მინისტრის პირველმა მოადგილემ არჩილ კელელიამ, ჩინეთში ოფიციალური ვიზიტისას განიხილა.
სამინისტროს ინფორმაციით, ჩინეთ-საქართველოს შორის ჩარტერული ავიარეისების დანიშვნის საკითხზე მუშაობა რამდენიმე თვეა მიმდინარეობს.
