ბათუმში ვისოლმა აჭარის რეგიონის წარმატებული ბიზნესკომპანიების წარმომადგენლებისთვის GoLive ავტოპარკის მართვის განახლებული სისტემის პრეზენტაცია გამართა. ბათუმში აქტიური ეკონომიკური საქმიანობისა და სამშენებლო ბუმის ფონზე ბიზნესსექტორი ხარჯების ოპტიმიზაციასა და რეინვესტირებისთვის საჭირო სახსრების მობილიზებაზე განსაკუთრებულად ზრუნავს. ავტოპარკის მართვის სატელიტური სისტემა GoLive, რომელიც საწვავის ხარჯის 30-40%-ით შემცირების საშუალებას იძლევა აჭარის რეგიონში სულ უფრო მოთხოვნადი პროდუქტი ხდება.
"აჭარის რეგიონში გააქტიურებული ეკონომიკური საქმიანობისა და საერთაშoრისო თუ ადგილობრივ ბაზარზე ნავთობპროდუქტების ფასების ზრდის ტენდენციის გათვალისწინებით, მოთხოვნა GoLive სისტემაზე, რომელიც საწვავის ხარჯის შემცირების უნიკალური საშუალებაა, დღითიდღე იზრდება. ვისოლი კი, როგორც საზოგადოებასა და ერთგულ მომხმარებლებზე მზრუნველი ინოვატორული კომპანია, GoLive სისტემის განახლებული ანგარიშებით საწვავის ხარჯის შემცირების დამატებით საშუალებებს მუდმივად ქმნის", - აცხადებს ვისოლის გენერალური დირექტორი ვასილ ხორავა.
Go Live სისტემით მომხმარებელს საშუალება აქვს, სრულყოფილად აკონტროლოს თავისი ავტოპარკის ადგილმდებარეობა, მოძრაობის სიჩქარე, განვლილი კილომეტრაჟი, მოძრაობა-გაჩერების დრო და მიიღოს ანგარიში ავტომანქანის ავზში საწვავის ჩასხმისა და ავზიდან საწვავის ამოღების შესახებ.ამას გარდა, მომხმარებელს საშუალება აქვს აკონტროლოს ავტომობილში ზეთის შეცვლის რეკომენდებული ვადები და სხვა ნებიემიერი გეგმური პროცედურები, saკომპანია ვისოლი Go Live სატელიტურ სისტემას 2009 წლის მაისიდან სთავაზობს მომხმარებელს და დღემდე მას საქართველოს ბაზარზე ანალოგი არა აქვს.
ავტოპარკის მართვის სატელიტური სისტემით GoLive დღესდღეობით უკვე ვისოლის 1500-მდე კორპორაციული კლიენტი სარგებლობს. უნიკალური პროდუქტის ბაზარზე გამოჩენის შედეგად ვისოლმა 20%-ით გაზარდა კორპორაციულ მომხმარებელთა რიცხვი. ვისოლს პლასტიკური ბარათებით კორპორაციული კლიენტების მომსახურების 10-წლიანი გამოცდილება აქვს.
