ფინეთის ხელისუფლებამ გადაწყვიტა, იაპონიას 500 ათასი ევროს ღირებულების ჰუმანიტარული დახმარება გამოუყოს.
თანხა მიწისძვრითა და ცუნამით დაზარალებულთა დასახმარებლად სამაშველო სამუშაოებს მოხმარდება. ამის შესახებ ფინეთის საგარეო საქმეთა სამინისტროს საიტზე გამოქვეყნებულ ოფიციალურ განცხადებაში ნათქვამი.
ფინეთის მთავრობა დაზარალებულებს თანხას ფინეთის წითელი ჯვრის საზოგადოების მეშვეობით გაუგზავნის. კონკრეტულად, თანხები მედიკამენტის, წყლის, საკვები პროდუქტებისა და ჰიგიენის საშუალებების ყიდვას მოხმარდება.
ამასთან, ფინეთი მზადაა, ნებისმიერ დროს დამატებითი თანხებითაც დაეხმაროს იაპონიას.
