უახლოეს პერიოდში მთავრობა ქუთაისის ინდუსტრიული ზონის განვითარებასთან დაკავშირებით კონკრეტულ გადაწყვეტილებას მიიღებს.
ამის შესახებ განცხადება საქართველოს პრემიერ-მინისტრმა ნიკა გილაურმა პარლამენტში გამოსვლისას გააკეთა.
გილაურის თქმით, მთავრობა ქუთაისის ინდუსტრიული ზონის განვითარებით კმაყოფილი არ არის, თუმცა არ დაუკონკრეტებია, თუ რა ღონისძიებები და ქმედებები შესაძლოა გატარდეს.
ქუთაისისგან განსხვავებით ნიკა გილაური ფოთის ინდუსტრიული ზონის განვითარებით კმაყოფილია. მისი თქმით, ფოთის ინდუსტრიული ზონა ვითარდება და ის უკვე 30 კომპანიაა შესული.
შეგახსენებთ, რომ ქუთაისის ინდუსტრიული ზონის განვითარებით უკმაყოფილება პარლამენტის წინაშე, რამდენიმე დღის უკან ეკონომიკისა და მდგრადი განვითარების მინისტრმა ვერა ქობალიამაც დააფიქსირა.