საპარლამენტო უმრავლესობის ლიდერმა პეტრე ცისკარიშვილმა ოპოზიციას თაღლითი და მექრთამე ბიზნესმენების დამცველი უწოდა.
ამის შესახებ დღეს, ცისკარიშვილმა პარლამენტის რიგგარეშე პლენარულ სხდომაზე სამთავრობო დებატებზე "ქრისტიან-დემოკრატი" ლევან ვეფხვაძის საპასუხოდ განაცხადა.
"არ შემიძლია არ გამოვეხმაურო ვეფხვაძის მიერ კიდევ ერთხელ წამოწეულ ერთ-ერთი ე.წ. ბიზნესმენის რონი ფუქსის საკითხს. ბატონო ოპენენტებო, როდემდე უნდა იყოთ თაღლითი, მექრთამე ბიზნესმენების დამცველები? რომელმაც 90-იან წლებში ქრთამის გადახდით მოიპოვა რაღაც დოკუმენტი და ბოლო ხუთი ელის განმავლობაში ცდილობს სახელმწიფოს გამოსძალოს ასობით მილიონი დოლარი", - მიმართავ საპარლამენტო ოპოზიციას ცისკარიშვილმა.
მისივე შეფასებით, ის, რომ რომელიმე ბიზნესმენს აქვს პრემიერ-მინისტრის მოწვევა ეს არ ნიშნავს, რომ მას აქვა იმუნიტეტი სახელმწიფოს გამოსძალოს ფული.
"სხვა ბიზნესმენების ამას არ აკეთებენ. პატიოსანი უცხოელი თუ ჩვენი თანამოქალაქე ბიზნესმენი თავისუფალია ბიზნესის კეთებაში", - დასძინა უმრავლესობის ლიდერმა.
როგორც ცნობილია, "ქრისტიან-დემოკრატების" წევრი, ვიცე-სპიკერი ლევან ვეფხვაძე პრემიერ-მინისტრ ნიკა გილაურისგან მოითხოვა პასუხი, იცოდა თუ არა ებრაელის ბზნესმენების მოსალოდნელი დაპატიმრების შესახებ, როცა ისინი საქართველოში მოიწვია.
მისივე თქმით, ისრაელი არ დაიწყებს ახალ საქართველოს რაკეტებით დაბომბვას, მაგრამ ხელისუფლების მიერ ასეთი საქციელის შედეგია, ის რომ ისრაელი დღეს საქართველოს დიპლომატიურ ენაზე "აგინებს".
შეგახსენებთ, რომ ბიზნესმენები ფუქსი და ფრენკელი ბათუმში, გასული წლის 14 ოქტომბერს დააკავეს. ბიზნესმენებს მაღალი თანამდებობის პირისთვის ქრთამის შეთავაზება ედებათ ბრალად. მათ აღმკვეთი ღონისძიების სახით პატიმრობა აქვს შეფარდებული. პატიმრობა შეეფარდა, აგრეთვე, იოანის კარდასოპოლუსს, რომელიც მიმალვაშია და მასზე ძებნაა გამოცხადებული.