2011 წლის სახელმწიფო ბიუჯეტი 348 მილიონით გაიზრდება. როგორც ბიუროს სხდომის დასრულების შემდეგ მთავრობის საპარლამენტო მდივანმა გია ხუროშვილმა აღნიშნა, სახელმწიფო ბიუჯეტში ცვლილებები მაკროეკონომიკური სტაბილურობის შენარჩუნებას უკავშირდება.
"მთავრობა მიაჩნია, რომ მაკროეკონომიკური სტაბილურობა შესაძლებელია რამდენიმე მიმართულებით მიიღწეს, კერძოდ საბიუჯეტო დეფიციტი შემცირდება და დღეს თუ მთელ შიდა პროდუქტთან მიმართებაში არის 4.3% ეს მაჩვენელებილი 3.7%-მდე შემცირდება, შესაბამისად საგარეო ვალდებულებების რეფინანსირება უნდა მოხდეს, რომლის გადახდაც საქართველოს 2013 წლიდან მოუწევს", - აღნიშნა ხუროშვილმა.
მისი თქმით, ზემოთ აღნიშნულიდან გამომდინარე გამოშვებული იქნება ევრობონდები და ამით მოხდება რეფინანსირება იმ ვალდებულებისა, რომელიც შემდეგ უკვე 20134 წლიდან უნდა დაგვებარა.
"იმას, თუ რა ვადით მოხდება ევრობონდების გამოშვება და როგორ იქნება მისი პროცენტი, ვაჭრობის შემდეგები დაადგენს, რომელიც აპრილში გაიმართება", - აღნიშნა მთავრობის საპარლამენტო მდივანმა.
ხუროშვილის თქმით, 2011 წლის სახელმწიფო ბიუჯეტში პრეზიდენტის მიერ დაპირებული მინიმალური პენსიის ოდენობის 100 ლარამდე გაზრდაც აისახება.