11 მარტის მიწისძვრის შემდეგ, იაპონიაში საბირჟო კვოტირებების შემცირების ფონზე, მრავალმა უცხოურმა ინვესტორმა, ადგილობრივი კომპანიების გაიაფებული ფასიანი ქაღალდების შესყიდვა დაიწყეს. იაპონიის ფინანსთა სამინისტროს ინფორმაციით, 14-18 მარტის ჩათვლით დასავლეთის კომპანიებმა 2005 წლის შემდგომ სარეკორდო რაოდენობის 11 მლრდ. დოლარის აქციები შეიძინეს. უპირატესობა სამშენებლო კომპანიების აქციებს ენიჭება, რადგანაც ისინი აქტიურ მონაწილეობას მიიღებენ ქვეყნის ინფრასტრუქტურის აღდგენის საქმიანობაში. 11 მარტის მიწისძვრის შემდგომ, ნიკეის ინდიკატორი 13,9 %-ით დაეცა, ამიტომ იაპონელმა ინვესტორებმა იმ კომპანიების აქციების მოშორება დაიწყეს, რომლებიც ყველაზე მეტად დაზარალდნენ მიწისძვრის შედეგად. ამჟამინდელ გადაწყვეტილებებს კი ექსპერტები სრულიად მოსალოდნელ ნაბიჯად აფასებენ.
"აქციების ფასი დაეცა და უცხოური კომპანიები ცდილობენ მათ შესყიდვას ვიდრე ადგილობრივი კომპანიები გონს მოეგებიან", - განაცხადა "კაპიტალ ეკონომიქსის" ექსპერტმა დევიდ რეიმ.
მისი თქმით, აფსოლიტურად ლოგიკურია, რომ უპირატესობა სამშენებლო კომპანიების აქციებს ენიჭება, რომლებიც მიწისძვრის შედეგად მომგებიან ვითარებაში აღმოჩნდნენ.
