ინდოელი ბიზნესმენები ანაკლიის ტურისტულ ზონაში ინვესტირებით არიან დაინტერესებულნი, ამის შესახებ განცხადება საინვესტიციო სააგენტოს დირექტორმა ქეთი ბოჭორიშვილმა გააკეთა.
ბოჭორიშვილის თქმით, ინდური ბიზნესი ანაკლიაში სასტუმროების მშენებლობით დაინტერესებულია და კონკრეტული პროექტების წარდგენა, საქართველო-ინდოეთის ბიზნესფორუმზეც მოხდება, რომელიც დრეს გაიხსნა.
"ისინი ძალიან დაინტერესებულნი არიან ანაკლიის ტურისტული ზონით, და იქ სასტუმროების მშენებლობით", - აცხადებს საინვესტიციო სააგენტოს ხელმძღვანელი.
ბოჭორიშვილის თქმით, ანაკლიაში სასტუმროების მშენებლობით 5 კომპანია დაინტერესებული, რომლის წარმომადგენლებიც საქართველოში უკვე იმყოფებოდნენ.
შეგახსენებთ, რომ ანაკლიის თავისუფალი ტურისტული ზონის მშენებლობაში მონაწილეობის მსურველი კომპანიების განაცხადის მიღების ვადა, 1-ელ აპრილს იწურება .ანაკლიის ტურისტულ ზონაში განაცხადების შეტანის ვადა 30 იანვარს უნდა შემწყდარიყო, თუმცა მთავრობამ ინვესტორებს დამატებითი ვადა მისცა.
სამინისტროს ინფორმაციით, ანაკლიაში სასტუმროების აშენების სურვილი ოფიციალურად გამოთქვეს კომპანიებმა ჰონკონგიდან, გაერთიანებული ემირატებიდან, ინგლისიდან და თურქეთიდან.
მთავრობის ინფორმაციით, საქართველოს შავიზღვისპირეთის მთავარი მარგალიტის, ანაკლიის მშენებლობა უკვე დაიწყო.
საუკეთესო საზღვაო კლიმატის მქონე სანაპირო ზოლზე, სახელმწიფო სასტუმროების მშენებლობისთვის უპრეცედენტო პირობებია. ინვესტორი მიწას, სასტუმროს პროექტებს და ყველა კომუნიკაციას სახელმწიფოსგან საჩუქრად მიიღებს.
ამავდროულად, ინვესტორი 15 წლით მოგებისა და ქონების გადასახადისგან გათავისუფლება.
ინვესტორებისთვის გადასაცემი უფასო მიწის ნაკვეთები განლაგებულია ესპანელი არქიტექტორების დაპროექტებული ბულვარის გასწვრივ.
სახელმწიფო ახალ კურორტზე მინერალურ წყალს უფასოდ მიიყვანს, ანაკლია-ზუგდიდის ტურისტულ ზონაში აშენდება ახალი აეროპორტი და იახტკლუბი.
