ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი აცხადებს, რომ სამინისტროს განსახლების სხვადასხვა ალტერანატივა გააჩნია. კერძოდ,_ სოფლის, ნახევრადქალაქის ტიპის და ქალაქის ტიპის ჩასახლებები.
"ვინც სოფლის მეურნეობა იცის, მათ ალტერნატივად ვთავაზობთ სოფლად განსახლებას, ვინც ქალაქშია ნაცხოვრები და სოფლის საქმე არ უკეთებია, მას სოფელს ვერ დააძალებ და არც ვაძალებთ", - განაცხადა პარლამენტში სიტყვით გამოსვლისას კობა სუბელიანმა.
ამასთან, მინისტრმა კონკრეტული მაგალითიც დაასახელა. კერძოდ, სუბელიანის თქმით, აჩაბეთიდან დევნილი სოკოს შეგროვებითაა დაკავებული და ოჯახის რჩენა არ უჭირს.
"ყოველ მეორე დღეს ეს ადამიანი 100 კილო სოკოს კრეფს და აბარებს მებითუმეებს. კილო სოკო რა ღირს, არ ვიცი. 4-5 ლარი მაინც ეღირება ბაზარში",_აცხადებს სუბელიანი.
მისი თქმით, დევნილთა სხვა ოჯახი მეფუტკრეობითაა დაკავებული და ეს ყველაფერი დონორი ორგანიზაციების დახმარებით განხორციელდა.
სუბელიანი აცხადებს, რომ კოდასა და ჩასახლების სხვა ადგილებში მცხოვრებ დევნილებს ტრაქტორები დაურიგდათ, რათა საკუთრებაში არსებული მიწები დახნან, შემოსავალი იქონიონ და ნაკლებად იყვნენ სხვაზე დამოკიდებულნი.