"ვისოლო ჯგუფის" ინვესტიციით, ქუთაისში თანამედროვე ფიტნეს ცენტრი "ლაგუნა" გაიხსნა. კომპანიის ინოფრმაციით, "ტორპედო ქუთაისის" სპორტული კომპლექსის ბაზაზე არსებული ფიტნეს ცენტრი ლაგუნა არის ერთადერთი ევროპული სტანდარტის სპორტულ-გამაჯანსაღებელი ცენტრია არა მხოლოდ იმერეთში, არამედ სრულიად საქართველოში რეგიონალური მასშტაბით. ვისოლი ჯგუფის სამეთვალყურეო საბჭოს თავმჯდმარის სოსო ფხაკაძის განცხადებით, აღნიშნული ფიტნეს ცენტრის მშენებლობაში ვისოლმა დაახლოებით 1 მილიონი ლარის ინვესტიცია განახორციელა.
"ეს არის ძალიან საინტერესო თანამშრომლობის ფორმა სახელმწიფოსა და კერძო სექტორს შორის. "ვისოლი ჯგუფს" საცურაო აუზი "ტორპედო ქუთაისთან" ერთად გადმოგვეცა და ამის შემდეგ დავიწყეთ ინვესტიციის განხორციელება. ამ ადგილს მივეცით თანამედროვე აუზის, დასვენების კომპლექსის სახე. გარდა აუზისა აქ მოსულ ადამიანებს საშუალება მიეცემათ ისარგებლონ როგორც ტრენაჟორებით, მასაჟით და ასევე სოლარიუმით. ფიტნეს ცენტრი აღჭურვილია ამერიკული თანამედროვე ტექნოლოგიებით და "ლაგუნაზე" მოსული ადამიანი შეძლებს დაისვენოს, განიტვირთოს და გაერთოს კიდეც" - განაცხადა სოსო ფხაკაძემ.
"ვისოლი ჯგუფის" სამეთვალყურეო საბჭოს თავმჯდომარის განცხადებით, მნიშვნელოვანია რომ კომპანია ჯანსაღი ცხოვრების წესის დამკვიდრებას აგრძელებს. სოსო ფხაკაძის განცხადებით მომსახურეობსი ტარიფები არის საკმაოდ მისაღები ქუთაისელი და უშუალოდ იმერელი მომხმარებლისთვის. მისი განცხადებით ვიდრე "ლაგუნას" მომსახურეობის ტარიფები განისაზღვრებოდა შესწავლილ იქნა ზოგადად ასეთი მომსახურეობის ტარიფები და ქუთაისთან მიმართებაში ქუთაისისელი მომხმარებლისათვის მისაღები ტარიფები დადგინდა.
თანამედროვე ფიტნესს ცენტრი "ლაგუნა" მომხმარებელს სხვადასხვა სახის პაკეტებს სთავაზობს. საცურაო აუზით, ფიტნეს ცენტრითა და საუნის ერთჯერადი სარგებლობა შეუზღუდავი დროით 20 ლარი ღირს. სოლარიუმი 1 წუთი 2 ლარი, ხოლო რაც შეეხება მასაჟს 50 წუთი 25 ლარი. ხოლო 20 წუთი 15 ლარი. "ლაგუნას" მომსახურეობის პაკეტები გათვლილია როგორც ინდივიდუალურ ასევე ოჯახურ და კორპორატიული კლიენტებისათვის. კორპორატიული კლიენტებისთვის საცურაო აუზის ერთთვიანი აბონიმენტის ფასი 90 ლარიდან იწყება.
იმავდროულად ლაგუნაზე არსებობს ცურვის შემსწავლელი კურსები ბავშვებისათვის, რომლის ღირებულებაც თვეში 70 ლარს შეადგენს. აქვე არის აერობიკის ვარჯიშები, რომელსაც კვალიფიციური პერსონალი ატარებს და აერობიკა კვირაში სამჯერ 50 ლარი ღირს.
"ვისოლი ჯგუფის" ინფორმაციით, „ლაგუნას" საცურაო აუზები პროფესიონალი თუ მოყვარული მოცურავეებისა და ბავშვებისათვის, ფიტნესისა და აერობიკის დარბაზები, საუნა, სოლარიუმი და მასაჟის კაბინეტი პროფესიონალი ინსტრუქტორებით იდიალურ გარემოს ქმნის „როცა ჯანსაღ ცხოვრებას ირჩევ".
„ვისოლ ჯგუფი არა მხოლოდ ლეგენდარული კლუბის „ტორპედო ქუთაისის" წარმატებაზე ზრუნავს, არამედ ცდილობს წვლილი შეიტანოს თითოეული ქუთაისელისათვის ჯანსაღი მომავალის შექმნაში, ადგილობრივი წყალბურთის განვითარებასა და ქუთათური ხალხის დასაქმებაში",- აცხადებს „ტორპედო ქუთაისის" პრეზიდენტი ლევან ფხაკაძე.
2500 კვადრატულ მეტრზე განთავსებული „ლაგუნას" ფიტნეს კომპლექსის განვითარებისათვის ვისოლ ჯგუფმა მილიონამდე ლარის ინვესტიცია მოახდინა. „ლაგუნაში" 60 ადამიანი დასაქმდება.
„ლაგუნას" ფიტნეს კომპლექსში სისუფთავე და ჯანმრთელობის უსაფრთხოება კვალიფიციური პერსონალის განსაკუთრებული საზრუნავია. წყალში მჟავიანობისა და ქლორის შემცველობის კონტროლი, მუდმივი ფილტრაცია და რობოტით წმენდა წყლის სისუფთავის გარანტიებს ქმნის. „ლაგუნას" მაშველები კი მომხმარებლების უსაფრთხო ცურვაზე იზრუნებენ.
მსოფლიოში ცნობილი ამერიკული ბრენდის Lიფე Fიტნესს-ის კარდიო ტრენაჟორები, სარბენი ბილიკები, ველოსიპედები, სტეპი და სხვა ტრენაჟორები მაღალკვალიფიციურ ინსტრუქტორებთან ერთად ფიტნეს ცენტის მომხმარებლების აღნაგობასა და ჯანმრთელობაზე ყველაზე თანამედროვე მეთოდებით იზრუნებენ. გერმანული ბრენდის „ერგოლაინის" სოლარიუმის ულტრაიისფერი სხივები კი გარუჯვის მოყვარულთ საშუალებას მისცემს ეგზოტიკური ელფერი შესძინონ საკუთარ კანს. „ლაგუნას" პროფესიონალი სპეციალისტების მიერ შემოთავაზებული რელაქსაციური მასაჟი და აერობიკის ვარჯიშები თქვენს ჯანმრთელობაზე ზრუნვას ყველაზე სასიამოვნო პროცესაც აქცევენ.
"ტორპედო ქუთაისის" სპორტული კომპლექსი ფიტნეს ცენტრ „ლაგუნას" გარდა მოიცავს ქუთაისის ცენტრალურ სტადიონნ ს 12 200 მაყურებელზე, ექვს ხელოვნურსაფარიან ჩოგბურთის მოედანს სასტუმრო კომპლექსით, სპორტულ ბაზას ერთი ხელოვნურსაფარიანი და ერთი ბუნებრივსაფარიანი მოედნითა და სასტუმროთი და „ბავშვთა აკადემიის" ბაზას ხუთი საფეხბურთო მოედნითა და სასტუმრო კომპლექსით.
