ავტოავარიის შედეგად დაშავებული 45-ე სკოლის მოსწავლეებიდან ამ დროისთვის საავადმყოფოში მხოლოდ ორი ბავშვი რჩება.
იაშვილის სახელობის კლინიკიდან 4 პირველკლასელი გუშინ საღამოს გაწერეს, ორმა კი ღამე საავადმყოფოში გაატარა.
კლინიკის დირექტორის მოადგილის დავით ციბაძის განცხადებით, დაშავებულთა მდგომარეობა უკვე სტაბილურია და მდგომარეობის გართულება მოსალოდნელი არ არის.
შეგახსენებთ, რომ ავტოავარია მტკვრის მარცხენა სანაპიროზე, ქსნის ქუჩის მიმდებარე ტერიტორიაზე გუშინ, 15 მარტს მოხდა. 45-ე საჯარო სკოლის პირველ-და მეორე კლასელებით სავსე ავტობუსი, რომელსაც გზა სამარშრუტო ტაქსმა გადაუჭრა, "ვისოლის" ბენზინგასამარტ სადგურს შეეჯახა. შედეგად 6 ბავშვის ჰოსპიტალიზაცია გახდა საჭირო.
