რუსეთის საგარეო საქმეთა სამინისტრო რუსი ექსპერტების საქართველოში არშეშვების თაობაზე საგანგებო განცხადებას ავრცელებს.
განცხადებაში ნათქვამია, რომ საქართველოს ხელისუფლებამ ამ ნაბიჯით საბოლოოდ დაადასტურა საკუთარი მისწრაფება, გაწყვიტოს ყველანაირი კავშირი რუსეთთან.
ლავროვის უწყება სინანულს გამოთქვამს "საქართველოს ხელისუფლების ქმედების გამო" და აცხადებს, რომ ორ ქვეყანას შორის ჰუმანიტარული ურთიერთობები არ უნდა შეწყდეს.
"ოფიციალური თბილისის ამგვარი საქციელი ადასტურებს პანიკურ შიშს ღიაობასა და რთულ საკითხებზე მიუკერძოებელი პოლემიკისადმი. ეს შემაშფოთებელი სიმპტომია, რადგან ტოტალურად იბლოკება ორი ქვეყნის სამეცნიერო ელიტის წარმომადგენლებს შორის კავშირები", - ნათქვამია განცხადებაში.
