საქართველოს პრეზიდენტის, მიხეილ სააკაშვილის განცხადებით, ხელისუფლება მარჯანიშვილის ქუჩის პერიმეტრის აღდგენა-რესტავრაციის პროექტს იწყებს.
სააკაშვილის თქმით, გამოიცვლება საკანალიზაციო სისტემა და მოწესრიგდება ელექტროგაყვანილობა. იგეგმება ახალი ხიდის აგება ვეფხისა და მოყმის ძეგლთან, რომელიც მარცხენა და მარჯვენა სანაპიროებს შეაერთებს.
"ძალიან ბევრი უგემოვნო შენობაა აშენებული თბილისში. ჩვენ ვიწყებთ პროექტს. ეს იქნება მარჯანიშვილის მთელი პერიმეტრის ახლიდან გაკეთება, გამაგრება ან შეცვლა, ან თავიდან აშენება იმავე სახით. გამოვცვლით კანალიზაციას და დენის პრობლემებს მოვხსნით ცალკეულ ოჯახებში. პლეხანოვი არის ერთ-ერთი ყველაზე ლამაზი ადგილი ყოფილ აღმოსავლეთ ევროპის ტერიტორიაზე. გარდა იმ ხიდისა, რომელიც კეთდება რიყეზე, ვაშენებთ ასევე ახალ ხიდს ვეფხისა და მოყმის ძეგლთან, რომელიც შეაერთებს მარცხენა და მარჯვენა სანაპიროებს", _ განაცხადა სააკაშვილმა.
პრეზიდენტმა ყურადღება გაამახვილა ასევე რკინიგზის გადატანის საკითხე და აღნიშნა, რომ რკინიგზის გადატანიტა და ავტობანის შექმნით რამდენიმე ასეული ჰექტარი თავისუფლდება. Y
"ყველაფერი ეს არის მთელი თაობის ცვლილება, მაგრამ ეს ყევლაფერი მოხდება ჩემს საპრეზიდენტო ვადაში, 2013 წლამდე", _ განაცხადა სააკაშვილმა.
