ერთა ლიგის B2 ჯგუფში ჩრდილოეთ ირლანდიის ეროვნულმა გუნდმა საქართველოს ნაკრებს უმასპინძლა – მატჩი ფრედ, 0:0 დასრულდა.
პირველმა ტაიმმა ჩრდილოეთ ირლანდიის ნაკრების უპირატესობით ჩაიარა.
შესვენების შემდეგ საქართველოს ნაკრები გააქტიურდა და მომენტებიც შექმნა, მაგრამ გიორგი წიტაიშვილმა და ხვიჩა კვარაცხელიამ გოლის გატანა ვერ შეძლეს. საქართველოს ნაკრები ორჯერ აშკარა გოლს გადაურჩა. 83-ე წუთზე კი გიორგი მამარდაშვილმა ისააკ პრაისის მიერ დარტყმული პენალტი მოიგერია.
4 ტურის შემდეგ ერთა ლიგის B2 ჯგუფში 8 ქულით კვლავ ჩრდილოეთ ირლანდია ლიდერობს და A ლიგაში აღზევების რეალური კანდიდატია, საქართველოს ნაკრები კი 2 ქულით მე-4 პოზიციაზეა.
ფოტო: ეროვნული ნაკრები
