აშშ-ის პრეზიდენტმა დონალდ ტრამპმა გერმანიის საქსონია-ანჰალტის მიწაზე ულტრამემარჯვენე პარტია „ალტერნატივა გერმანიისთვის“ (AfD) გამარჯვებას დადებითად გამოეხმაურა. პარტიამ 6 სექტემბრის რეგიონულ არჩევნებში ხმების დაახლოებით 44% მიიღო და მნიშვნელოვანი უპირატესობით პირველი ადგილი დაიკავა.
ტრამპმა სოციალურ ქსელ Truth Social-ში დაწერა, რომ გერმანიაში „პოპულისტურ პარტიას მართლაც შესანიშნავი საღამო“ ჰქონდა. მისი შეფასებით, გერმანიის მოსახლეობა საბოლოოდ დაიღალა სრულიად საშინელი საიმიგრაციო წესებითა და ნორმებით გერმანიის მოსახლეობა საბოლოოდ დაიღალა სრულიად საშინელი საიმიგრაციო წესებითა და რეგულაციებით, რომლებმაც გერმანიას ასე დიდი ზიანი მიაყენა. ისინი ძლიერდებიან და ამას აღარ შეეგუებიან!!“ - წერს ტრამპი.
ტრამპმა AfD-ის სახელი პირდაპირ არ ახსენა, თუმცა მისი განცხადება სწორედ ამ პარტიის გამარჯვებას ეხებოდა. მანამდე, 6 სექტემბერს, ტრამპმა Truth Social-ზე AfD-ის გამარჯვების ამსახველი წინასწარი შედეგების გრაფიკიც გამოაქვეყნა.
AfD-ის შედეგი გერმანიის ომისშემდგომ ისტორიაში უპრეცედენტოა - პარტიამ პირველად მოიპოვა პირველი ადგილი რეგიონულ არჩევნებში ისეთი უპირატესობით, რომ შესაძლოა საქსონია-ანჰალტის მიწაზე ხელისუფლების სათავეში მოსვლის შესაძლებლობა ჰქონდეს. თუმცა მას აბსოლუტური უმრავლესობისთვის საჭირო მანდატები არ აქვს და სხვა პარტიები AfD-სთან თანამშრომლობას გამორიცხავენ.
