3 სექტემბერს, რუსეთის ქალაქ სოჭში, უკრაინის სამხედრო-საზღვაო ძალების საზღვაო უპილოტო კატერით რუსეთის დროშის ქვეშ მცურავ მრავალფუნქციურ დამხმარე გემს NEFRIT-ს დაარტყეს.
უკრაინის სამხედრო-საზღვაო ძალების ინფორმაციით, ადგილზე ძლიერი აფეთქება დაფიქსირდა.
მათივე ცნობით, NEFRIT რუსეთის საზღვაო და ენერგეტიკული ინფრასტრუქტურის ნაწილია. გემი ნავთობისა და გაზის ოპერაციებს უზრუნველყოფდა, ოფშორულ ობიექტებს ემსახურებოდა, გადაჰქონდა ტვირთი და პერსონალი და წყალქვეშა ტექნიკურ სამუშაოებს ასრულებდა.
უკრაინის სამხედრო-საზღვაო ძალების განცხადებით, გემის საქმიანობა რუსეთის სამხედრო ეკონომიკის პირდაპირ მხარდაჭერას და უკრაინის წინააღმდეგ აგრესიის დაფინანსებას ემსახურებოდა.
