თქვენ, ძალიან მარტივად, გინდათ მიიღოთ "ჰედლაინი", თუნდაც იგივე რუსულ მედიაში, იმასთან დაკავშირებით, რომ მე ვაცხადებ, რუსეთის ფედერაცია არის მტერი, - ასე იპასუხა პრემიერ-მინისტრმა ირაკლი კობახიძე, ჟურნალისტის შეკითხვას: მტერი არის თუ არა რუსეთი?
კობახიძის თქმით, ეს სამარცხვინო შეკითხვაა.
"თქვენი სამარცხვინო შეკითხვები, სასაცილოები ხართ. რატომ არის [სამარცხვინო შეკითხვა] გეტყვით, თქვენ, ძალიან მარტივად, გინდათ მიიღოთ "ჰედლაინი", თუნდაც იგივე რუსულ მედიაში, იმასთან დაკავშირებით, რომ მე ვაცხადებ, რუსეთის ფედერაცია არის მტერი, ეს არის კონკრეტული პოლიტიკური განაცხადი, რომელსაც შემდეგ კონკრეტული ნაბიჯები უნდა მოაყოლო, დაახლოებით ან ზუსტად ის ნაბიჯები, რაც თქვენმა პარტიამ მოაყოლა 2008 წელს და იქამდე".
ჟურნალისტი: ეს არის მიზეზი, რის გამოც ერიდებით იმის თქმას, რომ ახსენოთ ღიად, რომ რუსეთი არის მტერი?
კობახიძე: რა თქმა უნდა, კიდევ გავიმეორო?!
