ეს პრეზიდენტ სააკაშვილს თავად არსად არ დაუწერია, - ასე უპასუხა "ნაციონალური მოძრაობის" თავმჯდომარემ "ტვ პირველის" გადაცემა "რეაქციის" წამყვანის შეკითხვას იცოდა თუ არა, რომ მიხეილ სააკაშვილმა ნანუკა ჟორჟოლიანს პარტიის თავმჯდომარეობა შესთავაზა.
"ეს პრეზიდენტ სააკაშვილს თავად არსად არ დაუწერია... მე არასდროს არ ვერთვები ხოლმე ასეთ დისკუსიებში. აქ არის პოსტი, რომლითაც მე ვხელმძღვანელობ... პოლიტიკური ჭორაობა ჩემი სფერო და ინტერესი არასდროს იყო", - თქვა მან.
წამყვანის დამატებით შეკითხვაზე, არ სჯერა რომ მართლა შესთავაზა სააკაშვილმა ნანუკა ჟორჟოლიანს პარტიის თავმჯდომარეობა, ბოკუჩავამ თქვა, რომ არასდროს ერთვება ასეთი ტიპის დისკუსიებში.
მისივე თქმით, თქმით, ხელმძღვანელობს საჯარო პოზიციით, რომელიც სააკაშვილს აქვს.
„მე კი წავიკითხე ის საჯარო პოსტი, რომელიც მიხეილ სააკაშვილმა გამოაქვეყნა. ყველაზე მართებული იქნება, რომ ამ ეტაპზე ვიხელმძღვანელოთ იმ საჯარო პოზიციით, რომელიც პრეზიდენტმა გამოაქვეყნა. რამე სხვა რამის გამოქვეყნება, რომ ნდომებოდა ამას გააკეთებდა“,- განაცხადა ბოკუჩავამ.
