უნგრეთის პრემიერ-მინისტრი პეტერ მადიარი სამშაბათს იწყებს ორდღიან ვიზიტს პოლონეთში. ეს მისი პირველი ტურნეა საზღვარგარეთ თანამდებობაზე მოსვლის შემდეგ. ვიზიტს მნიშვნელოვანი სიმბოლური დატვირთვა აქვს, რადგან ლიდერი ცდილობს ქვეყნის დაბრუნებას ევროპულ პოლიტიკურ მთავარ ნაკადში. იუწყება Reuters
პოლონეთის პრემიერ-მინისტრი დონალდ ტუსკი, პეტერ მადიარს ოთხშაბათს შეხვდება.
როგორც უნგრეთის პრემიერი აცხადებს, ვიზიტის მიზანი უნგრეთისა და პოლონეთის ურთიერთობების გადატვირთვაა. მოლაპარაკებები შეეხება ენერგეტიკის, ტრანსპორტისა და რეგიონული თანამშრომლობის საკითხებს. მადიართან ერთად, პოლონეთში ვიზიტით გაემგზავრნენ უნგრეთის საგარეო საქმეთა მინისტრი ანიტა ორბანი, ეკონომიკისა და ენერგეტიკის მინისტრი იშტვან კაპიტანი, ტრანსპორტისა და ინვესტიციების მინისტრი დავიდ ვიტეჟი და თავდაცვის მინისტრი რომულუშ რუსინ-სენდი.
პოლონეთის მთავრობის წარმომადგენლის თქმით, მადიარის ვიზიტი ძირითადად აღიქმება როგორც სიმბოლური „გადატვირთვა“ ხანგრძლივი ფაქტობრივად, გაყინული ურთიერთობების შემდეგ, რომლის მიზანიცაა ევროპულ საკითხებსა და უკრაინაზე დიალოგის აღდგენა.
