პარასკევს, 8 მაისს, რუსეთის ქალაქ იაროსლავლში აფეთქებები იყო, რის შემდეგაც ნავთობგადამამუშავებელი ქარხნის ტერიტორიაზე ხანძარი გაჩნდა. გარდა ამისა, შეტევის ქვეშ მოექცა მოსკოვი და როსტოვიც.
გავრცელებული ინფორმაციით, პირველი უპილოტო საფრენი აპარატები 7 მაისის საღამოს დაფიქსირდა. ამის შემდეგ რუსეთის საავიაციო სააგენტო „როსავიაციამ“ მოსკოვის "ვნუკოვოსა" და "დომოდედოვოს" აეროპორტებში ფრენებზე შეზღუდვები დააწესა. მოგვიანებით მოსკოვის მერმა, სერგეი სობიანინმა, განაცხადა, რომ დრონები ჩამოაგდეს.
ამასთან, იაროსლავლში, წინასწარი ინფორმაციით, დარტყმის სამიზნე ნავთობგადამამუშავებელი ქარხანა გახდა. მის ტერიტორიაზე ხანძარი გაჩნდა.
ინტერნეტში გავრცელებულ ვიდეოებში ჩანს ქარხნის თავზე ამოსული კვამლი.
გარდა ამისა, დარტყმის ქვეშ მოექცა დონის როსტოვიც. წინასწარი ინფორმაციით, სავარაუდოდ სარაკეტო შეტევის სამიზნე ერთ-ერთი ადგილობრივი ქარხანა იყო.
ადგილობრივების თქმით, აფეთქებები შემდეგ ტერიტორიაზე ძლიერი ხანძარი გაჩნდა.
