ირანი, აშშ-ის მხრიდან თავდასხმების განახლების შემთხვევაში ამერიკულ პოზიციებზე „ხანგრძლივი და მტკივნეული დარტყმებით“ დაიმუქრა და კვლავ გაუსვა ხაზი ჰორმუზის სრუტეზე საკუთარ კონტროლის აუცილებლობას, რაც ართულებს აშშ-ის მცდელობას აღნიშნული საზღვაო გზის გასახსნელად კოალიციის შექმნას. ამის შესახებ Reuters იუწყება.
წყაროს ცნობით, აშშ-ის პრეზიდენტი დონალდ ტრამპი ხუთშაბათს პენტაგონის მაღალი რანგის პირებისგან ირანთან დაკავშირებით განახლებული სამხედრო ვარიანტების შესახებ ცნობებს ელოდება, რაც მიზნად ისახავს თეირანის იძულებას, მოლაპარაკებების მაგიდასთან დაჯდეს და კონფლიქტის დასრულებას დათანხმდეს.
ირანის ისლამური რევოლუციის გუშაგთა კორპუსის მაღალჩინოსნის განცხადებით, ამერიკის ნებისმიერი შეზღუდული შეტევაც კი გამოიწვევს „ხანგრძლივ და მტკივნეულ დარტყმებს“ რეგიონში აშშ-ის სამხედრო პოზიციებზე.
„ჩვენ ვნახეთ, რა დაემართა თქვენს ბაზებს რეგიონში - იგივე ბედი ელის თქვენს სამხედრო ხომალდებს,“ -ირანული მედიის ცნობით, განაცხადა საჰაერო ძალების მეთაურმა მაჯიდ მუსავიმ განაცხადა.
