უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა პარტნიორებს სთავაზობს სპეციალურ თანამშრომლობის ფორმატს - Drone Deals-ს ['დრონების შეთანხმება"], რომელიც მოიცავს დრონების, რაკეტების, ჭურვების და სხვა მოთხოვნადი სამხედრო ტექნიკის წარმოებასა და მიწოდებას, ასევე პროგრამულ უზრუნველყოფას, პარტნიორი ქვეყნების თავდაცვის სისტემებთან ინტეგრაციას და ტექნოლოგიურ გაცვლას.
ამის შესახებ ზელენსკი სოციალურ ქსელში წერს.
„გავმართე გაფართოებული თათბირი უკრაინული იარაღის ექსპორტის საკვანძო საკითხებზე. უკრაინული იარაღის ექსპორტი რეალობად იქცევa. ჩვენ შევათანხმეთ ყველა დეტალი სახელმწიფო ინსტიტუტების დონეზე.
დღეს, ჩვენი უსაფრთხოების ექსპერტიზა და იარაღი, რომელიც გამოცდილია თანამედროვე ომში, საინტერესოა ყველა პარტნიორისთვის, ვისაც შეუძლია უზრუნველყოს საკუთარი სახელმწიფო სუვერენიტეტისა და ადამიანების სიცოცხლის რეალური დაცვა. ჩვენ შევთავაზეთ პარტნიორებს, რომლებიც მხარს უჭერენ უკრაინას, თანამშრომლობის სპეციალური ფორმატი – დრონების გარიგებები – სპეციალური შეთანხმებები ჩვენი დრონების, რაკეტების, საბრძოლო მასალის და სხვა მოთხოვნადი იარაღის, სამხედრო ტექნიკის, პროგრამული უზრუნველყოფის წარმოებასა და მიწოდებაზე, პარტნიორების თავდაცვის სისტემებთან ინტეგრაციაზე, ასევე ჩვენი ექსპერტიზისა და უკრაინისთვის საჭირო ტექნოლოგიური გაცვლის უზრუნველყოფაზე. დღეს მე დავამტკიცე ამ სახელმწიფოთაშორისი სამუშაოს სფეროები და იარაღის ექსპორტთან დაკავშირებული ბიზნესისთვის ავტომატური ნებართვების შემუშავება", - წერს ზელენსკი.
