ისრაელის საგარეო საქმეთა მინისტრი გიდეონ საარი უკრაინის საგარეო საქმეთა მინისტრის, ეხმიანება ანდრიი სიბიჰას განცხადებას, რომელმაც თქვა, რომ უკრაინის საგარეო საქმეთა სამინისტროში საპროტესტო ნოტის გადასაცემად ისრაელის ელჩი დაიბარეს.
საარმა განაცხადა, რომ ამ დროისთვის ბრალდებების დამადასტურებელი მტკიცებულებები მათთვის არ წარუდგენიათ.
„დიპლომატიური ურთიერთობები, განსაკუთრებით მეგობარ ქვეყნებს შორის, Twitter-ის ან მედიის მეშვეობით არ წარიმართება..
ბრალდებები არ არის მტკიცებულებები. მათი დამადასტურებელი მასალები ჯერ არ არის წარმოდგენილი.
თქვენ არც კი გამოგიგზავნიათ სამართლებრივი დახმარების მოთხოვნა, ვიდრე, ამ საკითხს მედიასა და სოციალურ ქსელებში გაიტანდით. საკითხი განიხილება,“ - წერს გიდეონ საარი სოციალურ ქსელში.
სიბიჰას განცხადებით, ისრაელის ელჩს საპროტესტო ნოტას გადასცემენ იმ გემთან დაკავშირებით, რომელსაც ოკუპირებული ტერიტორიებიდან რუსეთის მიერ მოპარული უკრაინული მარცვლეული გადაჰქონდა.
