იტალიის საგარეო საქმეთა სამინისტრომ იტალიაში რუსეთის ელჩი ალექსეი პარამონოვი დაიბარა, მას შემდეგ რაც რუსმა ტელეწამყვანმა ვლადიმირ სოლოვიოვმა პირდაპირ ეთერში შეურაცხყოფა მიაყენა იტალიის პრემიერ-მინისტრ ჯორჯია მელონის.
მედიის ცნობით, ელჩის დაბარება უკავშირდება სოლოვიოვის სატელევიზიო განცხადებებს, რომლებშიც მან მელონის წინააღმდეგ შეურაცხმყოფელი და ვულგარული გამონათქვამები გამოიყენა და ასევე უს დონალდ ტრამპის ღალატში დაადანაშაულა.
სოლოვიოვმა, რომელიც კრემლის პროპაგანდისტად არის ცნობილი, ერთ-ერთ გადაცემაში იტალიურ ენაზე მელონის „ფაშისტი“, „სერთიფიცირებულ იდიოტი“ და „კახპა“ უწოდა
მან ასევე განაცხადა, რომ მელონი „სირცხვილია კაცობრიობისთვის“ და რომ „ღალატი მისი მეორე სახელია“.
იტალიის საგარეო საქმეთა მინისტრმა ანტონიო ტაიანიმ სოციალურ ქსელ X-ში განაცხადა, რომ მან რუსეთის ელჩი საგარეო საქმეთა სამინისტროში დაიბარა ოფიციალური პროტესტის გადასაცემად და მელონის სრული მხარდაჭერა და სოლიდარობა აღუთქვა.
