მედიის ცნობით, გაერთიანებული სამეფოს საზღვაო სავაჭრო ოპერაციების სააგენტომ (UKMTO) განაცხადა, რომ ირანის ისლამური რევოლუციის გუშაგთა კორპუსის ორმა კატერმა ცეცხლი გაუხსნა ომანის ჩრდილო-აღმოსავლეთით მდებარე ტანკერს.
ტანკერის კაპიტანმა განაცხადა, რომ აღნიშნულმა კატერებმა ცეცხლი გაფრთხილების გარეშე გახსნეს, ნათქვამია UKMTO-ს საინფორმაციო შეტყობინებაში, სადაც ასევე აღნიშნულია, რომ ხომალდი და მისი ეკიპაჟი უსაფრთხოდ არიან.
„გაერთიანებული სამეფოს საზღვაო სავაჭრო ოპერაციების“ სააგენტოს (UKMTO) ცნობით, ტანკერს ცეცხლი ირანის ისლამური რევოლუციის გუშაგთა კორპუსის ორმა საარტილერიო კატარღამ ომანის მახლობლად გაუხსნა", - აღნიშნულია განცხადებაში.
ცნობისთვის, ირანის სახელმწიფო მაუწყებლის IRIB-ის ინფორმაციით, ჰორმუზის სრუტე კვლავ დაიხურა. ირანის ცენტრალური სამხედრო შტაბის ცნობით, საზღვაო გადაზიდვების ძირითადი ზოლი „ისევ დაიხურა და გავლას ირანის თანხმობა სჭირდება“, რის მიზეზად ოფიციალური თეირანი აშშ-ის მხრიდან პორტების საზღვაო ბლოკადის გაგრძელებას ასახელებს.
.
