პარტია „ტისას“ ლიდერმა, პეტერ მაგიარმა საპარლამენტო არჩევნებში ხმა მისცა.
ხმის მიცემის შემდეგ გამართულ პრესკონფერენციაზე მაგიარმა განაცხადა, რომ ეს გადამწყვეტი არჩევნებია და მოქალაქეებს მოუწოდა, ხმის მიცემის უფლება გამოეყენებინათ.
მისი თქმით, არსებული მონაცემებით, ის ელოდება რეკორდულ ამომრჩეველთა აქტივობას. მან ასევე აღნიშნა, რომ თითოეული ხმა მნიშვნელოვანია, რადგან შეიძლება არსებობდეს შემთხვევები, როდესაც გამარჯვება რამდენიმე ხმით გადაწყდება.
პეტერ მაგიარის განცხადებით, შეიქმნა ვებგვერდი, სადაც შესაძლო საარჩევნო დარღვევების შესახებ შეტყობინებებს იღებენ. პარტია „ტისას“ ლიდერის განმარტებით, ამ დრომდე დაახლოებით 60 შეტყობინებაა შესული.
მაგიარმა გააფრთხილა მოქალაქეები, რომ შესაძლოა, პროვოკაციები განხორციელდეს. მისი თქმით, ხორციელდება „ცრუ დროშის ოპერაციები“, რომლის მიხედვითაც შესაძლოა, „ტისა“-ს პარტიის წარწერიან მაისურებში ჩაცმულმა ადამიანებმა გამოიწვიონ არეულობა.
ჟურნალისტის კითხვაზე პასუხად მან განაცხადა, რომ პარტია „ტისა“ მოიგებს არჩევნებს და აუცილებლად მიიღებს საკუთარ მანდატებს.
მან ასევე აღნიშნა, რომ შესაძლოა შეცდომებიც ჰქონდათ, მაგრამ ამ საკითხებს აუცილებლად შეისწავლიან.
„არ ვიქნებით ქვეყანა, სადაც შედეგები არ მოჰყვება ქმედებებს“, - განაცხადა მაგიარმა.
