ირანული მედია Tasnim-ის მიხედვით, ისლამაბადში, აშშ-სთან მოლაპარაკებების ჩავარდნის მიზეზი გახდა შეერთებული შტატების „არარეალური“ და „უსაფუძვლო“ მოთხოვნები.
ირანის პოზიციის თანახმად, აშშ აყენებს პირობებს, რომლებიც სცდება შეთანხმების რეალურ ჩარჩოს, როგორც მედია აღნიშნავს, ვაშინგტონი ცდილობს მაქსიმალური დათმობების მიღებას ირანისგან;ამიტომ თეირანი ასეთ პირობებს ვერ მიიღებს, რის შედეგადაც მოლაპარაკებები ჩაიშალა.
აშშ-ის წარმომადგენლების თქმით, ირანთან მოლაპარაკებების ჩაშლის მიზეზი გახდა თეირანის უარი ბირთვულ პროგრამაზე მკაფიო და სავალდებულო გარანტიების გაცემაზე.
CNN-ის ცნობით, ვაშინგტონის პოზიციაა:
ირანმა უნდა მიიღოს „ცალსახა ვალდებულება“, რომ არ შეეცდება ბირთვული იარაღის შექმნას;
ამ ვალდებულების გარეშე შეთანხმება შეუძლებელია;
აშშ-ის განცხადებით, ირანმა ეს მოთხოვნა არ მიიღო, რის გამოც მოლაპარაკებები შეწყდა.
