უკრაინის პრეზიდენტი ვოლოდიმირ ზელენსკი მიესალმება აშშ-სა და ირანს შორის ცეცხლის შეწყვეტის გადაწყვეტილებას და კიდევ ერთხელ აღნიშნავს, რომ უკრაინა მზადაა შეწყვიტოს თავდასხმები, თუ რუსეთი დათანხმდება.
„[ახლო აღმოსავლეთში] ცეცხლის შეწყვეტა სწორი გადაწყვეტილებაა, რომელიც ომის დასრულებამდე მიგვიყვანს. ეს ნიშნავს სიცოცხლის შენარჩუნებას, ქალაქებისა და სოფლების განადგურების თავიდან აცილებას, ელექტროსადგურებისა და სხვა ინფრასტრუქტურის ნორმალურად მუშაობის უზრუნველყოფას და, შესაბამისად, დიპლომატიისთვის შედეგების მისაღწევად საჭირო დროისა და პირობების უზრუნველყოფას. უკრაინა ყოველთვის მოუწოდებდა ცეცხლის შეწყვეტისკენ იმ ომში, რომელსაც რუსეთი ევროპაში აწარმოებს ჩვენი სახელმწიფოსა და ხალხის წინააღმდეგ და ჩვენ მხარს ვუჭერთ სიჩუმეს ახლო აღმოსავლეთსა და სპარსეთის ყურეში, რაც გზას უხსნის დიპლომატიურ მუშაობას.
უკრაინა კიდევ ერთხელ უმეორებს რუსეთს: ჩვენ მზად ვართ, ანალოგიურად ვუპასუხოთ, თუ რუსები შეწყვეტენ თავდასხმებს. ყველასთვის ნათელია, რომ ცეცხლის შეწყვეტას შეუძლია შექმნას შეთანხმებებისთვის შესაფერისი პირობები“, - განაცხადა ზელენსკიმ.
