Bloomberg-მა უნგრეთის პრემიერ-მინისტრ ვიქტორ ორბანსა და რუსეთის პრეზიდენტ ვლადიმiრ პუტინს შორის სატელეფონო საუბარი მოიპოვა, რომელშიც ორბანმა კრემლის ლიდერი „მეგობრობაში“ დაარწმუნა და უკრაინაში ომის „მოგვარებაში“ დახმარება შესთავაზა.
სატელეფონო საუბრისას, რომელიც გასული წლის 17 ოქტომბერს შედგა, ორბანმა კრემლის ლიდერს განუცხადა, რომ ის მზადაა ყველაფერი იღონოს პუტინის დასახმარებლად, კერძოდ, ბუდაპეშტში სამიტი ჩაატაროს უკრაინაში „ომის გადაწყვეტის ხელშეწყობით“.
„გუშინ ჩვენმა მეგობრობამ იმდენად მაღალ დონეს მიაღწია, რომ შემიძლია, ნებისმიერი გზით დაგეხმაროთ. თქვენს სამსახურში ვარ ნებისმიერ საკითხში, სადაც შემიძლია დახმარება“, – ცნობით, განუცხადა ორბანმა პუტინს სატელეფონო საუბრის დროს.
როგორც გამოცემა წერს, ორბანმა გაიხსენა საბავშვო ზღაპარი, რომელიც, მისი თქმით, პოპულარულია უნგრეთში. იგავი მოგვითხრობს თაგვის შესახებ, რომელიც ბადეში გაბმულ ლომს ათავისუფლებს მას შემდეგ, რაც ლომმა მანამდე თაგვი შეიწყალა. Bloomberg-ის ცნობით, ამის მოსმენის შემდეგ პუტინს გაეცინა.
სატელეფონო საუბრის დიდი ნაწილი ვიქტორ ორბანმა და ვლადიმერ პუტინმა კომპლიმენტების გაცვლას დაუთმეს, კომპლიმენტები თქვეს აშშ-ის პრეზიდენტის, დონალდ ტრამპის მიმართებითაც.
