7 აპრილს, დილით, ნიკოპოლში, ავტობუსზე რუსეთის თავდასხმის შედეგად სამი ადამიანი დაიღუპა და თორმეტი დაშავდა.
ამის შესახებ ინფორმაციას დნიპროპეტროვსკის ოლქის სამხედრო ადმინისტრაციის ხელმძღვანელი, ოლექსანდრ ჰანჯა ავრცელებს.
ჰანჯას თქმით, ავტობუსი გაჩერებას უახლოვდებოდა, ამიტომ ხალხი როგორც ავტობუსში, ასევე გაჩერებაზეც იმყოფებოდა.
„ეს შემთხვევითი დარტყმა არ იყო. ეს იყო განზრახ ტერორი მშვიდობიანი მოსახლეობის წინააღმდეგ. იმ ადამიანების წინააღმდეგ, რომლებიც უბრალოდ თავიანთ საქმეს აკეთებდნენ“, - აღნიშნა ჰანჯამ.
