დიდი ბრიტანეთის საგარეო საქმეთა მინისტრმა, ივეტ კუპერმა, განაცხადა, რომ 40 ქვეყანა, რომლებიც ჰორმუზის სრუტესთან დაკავშირებით ვირტუალურ შეხვედრაზე შეიკრიბნენ, მზადაა, საზღვაო მიმოსვლის აღსადგენად „ეკონომიკური და დიპლომატიური“ ზომები მიიღოს.
CNN-ის ცნობით, ამის შესახებ მან შეხვედრის შემდეგ ჟურნალისტებს განუცხადა.
კუპერმა განაცხადა, რომ ირანის უგუნური დარტყმები საერთაშორისო გადაზიდვების წინააღმდეგ არის მიმართული და მიზნად ისახავს გლობალური ეკონომიკისთვის ძირის გამოთხრას.
„ჩვენ მტკიცედ ვართ განწყობილი, მივიღოთ ყველა შესაძლო დიპლომატიური, ეკონომიკური და კოორდინირებული ზომა სრუტეში ნაოსნობის აღდგენის მისაღწევად“, - აღნიშნა დიდი ბრიტანეთის საგარეო საქმეთა მინისტრმა.
მან ასევე აღნიშნა, რომ სამომავლო ზომები შეიძლება მოიცავდეს საერთაშორისო საზღვაო ორგანიზაციასთან (IMO) თანამშრომლობას, რათა უზრუნველყოფილ იქნას გემების ნავიგაციის გაგრძელება.
„ჩვენ ნათლად გვესმის, რომ გვჭირდება დიპლომატიური ზეწოლა, ეკონომიკური ზეწოლა და ასევე ის სამუშაო, რომელსაც სამხედრო დამგეგმავები ცალ-ცალკე ასრულებენ იმის შესახებ, თუ როგორ უზრუნველვყოთ გადაზიდვების უსაფრთხოება გრძელვადიან პერსპექტივაში კონფლიქტის დასრულების შემდეგ“, - დასძინა კუპერმა.
