ცნობილი ირანელი უფლებადამცველი და სახაროვის პრემიის ლაურეატი ნასრინ სოთუდე გუშინ ღამით თეირანში, საკუთარ სახლში დააკავეს, - ამის შესახებ ინფორმაციას მისი მისი ოჯახის წევრები ავრცელებენ. იუწყება BBC.
ნასრინ სოთუდე სახაროვის პრემიის ლაურეატი 2012 წელს გახდა. ის ირანში რამდენჯერმე იყო დაკავებული.
მისმა იშვილმა, მეჰრავე ხანდანმა, რომელიც უცხოეთში ცხოვრობს, განაცხადა, რომ სოთუდე გუშინ ღამით იმ დროს დააკავეს, როდესაც ის სახლში მარტო იმყოფებოდა. დაკავების შემდეგ ის ოჯახს აღარ დაკავშირებია და გაურკვეველი რჩება, რომელმა სამთავრობო უწყებამ დააკავა ის.
ხანდანის ინფორმაციით, როდესაც ოჯახის ახლობლები სახლში მივიდნენ, მათ აღმოაჩინეს, რომ სოთუდეს ელექტრონული საშუალებები, მათ შორის ლეპტოპებისა და ტელეფონების კონფისკაცია მოხდა.
30 მარტს უცხოურ გამოცემა IranWire-თან ინტერვიუში, რომელიც მთავრობის მიერ ინტერნეტის გათიშვის გამო ტექსტური შეტყობინები საშუალებით ჩატარდა, ნასრინ სოთუდემ კომენტარი გააკეთა თეირანში მიმდინარე ომის ფონზე არსებულ ვითარებაზე და ირანის ხელისუფლება გააკრიტიკა.
