ქალაქ ყვარელში ავარიას 52 წლის ქალი პოლიციელი ემსხვერპლა. ამის შესახებ ინფორმაციას "მთავარი ამბები კახეთიდან" ავრცელებს.
ავარია ცოტა ხნის წინ მოხდა. ავტოსაგზაო შემთხვევის დროს სატვირთო ავტომობილი მოცურდა და მსუბუქ ავტომობილს შეეჯახა, რომელშიც პოლიციელი იჯდა. ქალი შემთხვევის ადგილზე დაიღუპა.
თვითმხილველების ინფორმაციით, სატვირთო ავტომობილის მძღოლმა კონტროლი დაკარგა, რამაც შეჯახება გამოიწვია.
ადგილზე მობილიზებულია პოლიცია და ექსპერტ-კრიმინალისტები.
ფოტო: "მთავარი ამბები კახეთიდან"
