გასულ ღამეს რუსეთის საოკუპაციო ძალებმა ოდესას ორჯერ შეუტიეს, დაარტყეს სამშობიაროს. თავდასხმის შედეგად ნაწილობრივ დაზიანდა მრავალსართულიანი საცხოვრებელი კორპუსი, გაჩნდა ხანძარი და არიან დაშავებულები.
ინფორმაციას ოდესის ოლქის სამხედრო ადმინისტრაციის ხელმძღვანელი სერჰიი ლისაკი ავრცელებს.
„მტერმა კვლავ დაარტყა ქალაქის სამოქალაქო ინფრასტრუქტურას. დარტყმა დაფიქსირდა პრიმორსკის რაიონში, სამშობიარო სახლის სახურავზე. საბედნიეროდ, პერსონალმა და პაციენტებმა თავშესაფარში ჩასვლა მოასწრეს,“ - დაწერა ლისაკმა სოციალურ ქსელში.
პრიმორსკის ოლქში დაზიანება ასევე დაფიქსირდა სამ საგანმანათლებლო დაწესებულებაში.
ასევე ხაჯიბეის რაიონში დარტყმა დაფიქსირდა მაღალსართულიან შენობაზე. დაშავებულების შესახებ ინფორმაცია არ ვრცელდება.
ხანძარი ასევე გაჩნდა კერძო სექტორის საცხოვრებელ სახლებშიც.
რუსების თავდასხმის შედეგად, ერთი ადამიანი საავადმყოფოში მიღებული დაზიანებებით გარდაიცვალა.
სერჰიი ლისაკის ცნობით, სულ 11 ადამიანი დაშავდა, მათ შორის ერთი ბავშვი.
